أنا مصرى والمغرب بلدى
أنا مغربى والأصل مصرى
ومفيش أى فرق عندى المغرب مصر الآتنين وطنى
الرباط ناسها تخاف عليك وكايرو من بعيد بتناديك
وشعار الله الوطن الملك يهز القلب من جوه يشدنى
المغاربه ناسها كلهم طيبين
المحبه مزروعه جوه المصريين
على قربهم ميختلفش أتنين
واللى يجرحهم كأنه جرحنى
مش كلمه هتهد اللى بينا من سنين
والحب هو رايتنا
مصرى مغربى مين يقدر يفرقنا
الآتنين متربعين جوه جوه قلبى
متفكرش أنى بدافع عنهم
دى كلمة منى بتعبر عن محبتهم
وهفضل أكتب وأقول أنى واحد منهم
أنا مصرى والمغرب هى بلدى
بقلم / حُسام المُعتزبالله
